Hacî Qadirê Koyî
Dill hîlakî nazit e ba xemze tedbîrî neka
Her debê bimirê meger Xellaq teqdîrî neka
Ey qîyamet qametî toba qîyamim heste ta
Da’îyey berzî le gullşen serwî kîşmîrî neka
Min xewî ew çawe erzî îbnu Sîrînim dekird
Nûst û fermûy: Hîç kesê tefsîr û te’bîrî neka!
Min le sayey em dere narrom heta rojim neyê
Ba be keyfî xoy bika, bedkar û teqsîrî neka!
çunke nirxî maçî toy gorrî hemû deste û du’a n
Xettî newxêzit weku zullfit Xuda pîrî neka!
Pêy billê badî seba xem lêre bê kes kewtuwe
Dill bu xemxwarî emane, lehzeyê gîrî neka!
Naheq e ew derheqim key deygirê mîzanî heq
Katibî e’mal eger bêt û terefgîrî neka
Xeyrî dill mawêje kes tîrit le rohî min kewê
Ta be coşî xwênî Hacî sîne kewgîrî neka
Anlam için kelimeye çift tıklayın (Ferheng) Anlam için kelimeye uzun basın (Ferheng)