Hacî Qadirê Koyî
Destgîrît le ‘emel da ke neka murşîdî pîr,
Destî toy girtuwe, pêy bestûyî, manendî esîr
Rîşî wek şîr e beşîrit, ew e celladî ecel
Qollî mallîwetewe, destî le to dawete şîr
Ew demî hatime ser şekwe le xizm û kesî xom
Rostem û Yusifî gullpîrehenim kewtewe bîr
Mar û masîn debine ejderî sehra û neheng
Dest û pay bêserûpay zallime deyken be wezîr
çûme parêzî, ke mujgan û birom dî le kemîn
Tîrî min bû be keman, piştî kemanim buwe tîr
Xefîye nayete lay ême le tarîkî şewa
Rojî rûnake detirsê le ‘ewam û le gizîr
Hacî wek dill to be girî ye be şiwênî mekewe
Askêk e be bezîn û be hera nayete gîr!
Anlam için kelimeye çift tıklayın (Ferheng) Anlam için kelimeye uzun basın (Ferheng)