Hacî Qadirê Koyî
Le dû la ejdîhay zullfî le gencî husnî allawe
Le layek ‘aqllim emma le ew lawe teme’ xaw e
Le bo merdum weha çak e ke mallî xoy le ber çaw bê
Weku çawim le dinya da eger mehsûlî her aw e
Le jûrî awî Mûsa ye, le xwarî agirî Tûr e
‘Ecayib xettî Fîr’ewnî nexinkawe û nesûtawe
Eger çawim le durr barî ne ‘eynî ma ne asarî
Le dînî nakewê çunke nîşaney xallî her mawe
Emêstê mûrî xettî maç be wechî tuhfe ger bênê
Eger laqî kuley pê da Suleyman xatemî dawe
Be ser rûma deyê tabûrî eşkim bo mededkarî
Ke dîtim qel’ey husnit supay xet mehserey dawe
Yeqîn murxî dillim Hacî le dawî zullfî dernaçê
Heta em xalle muşkîne mekanî ‘enberî xaw e
Anlam için kelimeye çift tıklayın (Ferheng) Anlam için kelimeye uzun basın (Ferheng)