Hacî Qadirê Koyî
Le dewrî xallekey kullmî kemarî zullfî danawe
Le ser teswîrekey Adem melek sed ‘uzrî hênawe
şewî mî’racî subhane beqeddî seruy toy zanî
Le sîdre Cubreîl boyê le nîwey rêge lay dawe
Ke şeytan taqî mîhrabî biroy toy dî gutî: Ya reb
Le secdey hezretî Adem serî xom boçî badawe!
Bellam ey wişke şêxanî zemane pêm billên axir
Le ber çî perçemî saqî le subhî cebhe toraw e
Be xeyrez basî ew zare muhîmm e derkî ewzar e
Ewî bîstûme bîstûme, ewî dîtûme damnawe
çi seyyadêk e seyyadî buwe seyyadî ustadî
çi hestî kirduwe hesta çi bazî best û westa we
Were reb’î dill û çawim beheştî rub’î meskun e
Heta dill hez deka bax e heta çaw birr deka aw e
Nîhayet bimkujin wella le maçî lêwî xoş nabim
Ewî Xuwa hez neka nabê, ewî qewmawe qewmawe
Le heqqî meqdemî Hacî qurrî kiwê kem be ser xoma
Dillêkim bû le dinya da ewîş beynêk e tora we
Anlam için kelimeye çift tıklayın (Ferheng) Anlam için kelimeye uzun basın (Ferheng)