Ebdulla Peşêw

(1) be bînînit min debmewe binyademî çaxî berdîn , deçmewe naw eşkewtî tar, cengellî çirr giwê şil dekem bo brûske û golley hewru baranî xor , şaristanîy dugme û wayer bizir debê , ataşgekan pirr debinewe le pêt û girr ... (2) çît meram bê ,deçête ser : to detwanît ,be nîgayek , sewzellanêk be rûten key . le destt dê ,be hêmayek , berdellanêk be çîmen key , çît meram bê ,deçête ser : to detwanît ballî zimanim bibestî û dirextî pencem bêber key le destt dê çemî dengim tijî masî û her peyvîkim pir gewher key. to detwanît, bimkeyte koyley mil be toq. le destt dê ,tacî serwerîm leserkey . (3) lebin komeyi xollemêşda- to jîlemoy geşî xulyay. le gêjenî tarîkîda – to birîskey befrî çiyay . le biyabana-hajey çem û le nehata –helmî nanû le ẍurbeta-dalldew penay kilîldarî beheştî to to nek nîwe :hemû dunyay ! --------------------------- 28/11/1985 Terablus bi herfên latînî: ژن عەبدوڵڵا پەشێو (١) بە بینینت من دەبمەوە بنیادەمی چاخی بەردین ، دەچمەوە ناو ئەشکەوتی تار ،جەنگەڵی چڕ گوێ شل دەکەم بۆ برووسکە و گۆڵەی هەورو بارانی خۆر ، شارستانیی دوگمەو وایەر بزر دەبێ ، ئاتاشگەکان پڕ دەبنەوە لە پێت و گڕ ... (٢) چیت مەرام بێ ،دەچێتە سەر : تۆ دەتوانیت ،بە نیگایەک ، سەوزەڵانێک بە رووتەن کەی . لە دەستت دێ ،بە هێمایەک ، بەردەڵانێک بە چیمەن کەی ، چیت مەرام بێ ،دەچێتەسەر : تۆ دەتوانیت باڵی زمانم ببەستی و درەختی پەنجەم بێبەر کەی لە دەستت دێ چەمی دەنگم تژی ماسی و هەر پەیڤیکم پر گەوهەر کەی . تۆ دەتوانیت ،بمکەیتە کۆیلەی مل بە تۆق. لە دەستت دێ ،تاجی سەروەریم لەسەرکەی . (٣) لەبن کۆمەی خۆڵەمێشدا- تۆژیلەمۆی گەشی خولیای . لە گێژەنی تاریکیدا – تۆ بریسکەی بەفری چیای . لە بیابانا-هاژەی چەم و لە نەهاتا –هەلمی نان و لە غوربەتا-داڵدەوپەنای کلیلداری بەهەشتی تۆ تۆ نەک نیوە :هەموو دونیای ! --------------------------- ٢٨/١١/١٩٨٥تەرابلوس