Ebdulla Peşêw
Lem nîştîman e çare reş e da,
çîtan hêştuwe
dabeşî neken wek rezî xotan?
Her be şehîdan serman bilind bû,
Ewanîştan kird be pezî xotan!
Nawêrim qellemêk helgirim.
Nawêrim kirasêk le ber kem.
Rûtan reş bê!
Xo rengekanîştan beş kird.
Billêm: "xwêndkar ya qutabî?
jin ya afret ?"
Rûtan reş bê.
Ta wuşey naw ferhengekanîştan beş kird!
Dû kenarî zêy cawîdanî
Xanî û Hacî Qadirtan beş kird.
Xak û aw û agirtan beş kird.
Kwa? çîtan hêşt?
Bigre...
Qehpe û diz û rêgirtan beş kird.
Wek zirtekî gakuj be dest,
Nîştîmanêktan kird be dû...
şar be şar, gund be gund geran,
Le her malêk
Agirdanêktan kird be dû!
Xelk mêjûyekî heye,
Ême dû mêjûman heye.
Hemû dûnya
Yek serkirdey lê bela ye,
Ême lewîş dûman heye!
Anlam için kelimeye çift tıklayın (Ferheng) Anlam için kelimeye uzun basın (Ferheng)