Ebdulla Peşêw
Dêwereyek be siwarî ker
Rêyekî dûrî girte ber
Neyhêlla ker bida bênê
Ta rêyan kewte bijwênê
Ker ke bînî wa lew nawe
Giyawgoll serî pêwenawe
Mîwanî gewrey siruşte
Ne xêw, ne barî le pişte!
Be zerrezerr, be'xarexar
Dinyay hemû kirde behar
Lepirr xawen kerî zorzan
Hestî kird wa lewdîw telan
Hera û horiya û dengedenge
îtir zanî karî lenge!
Gutî: “kere giyan, gwê gire
Ewe denge dengî rêgire!
Heta zuwe ba barit kem
"le rêgiran rizgarit kem
Ker daye qaqay pêkenîn...
Gutî: “qurban, hawrêy şîrîn!
Barekey min le xot bar ke
Heta zuwe xot rizgar ke.
Ke min ker bim, bareber bim
Kurtan le pişt, heşbeser bim
Ferqî çîye? derd her derde
Kerî to bim, ya hî cerde!"
Anlam için kelimeye çift tıklayın (Ferheng) Anlam için kelimeye uzun basın (Ferheng)