Selîm Temo
şeva xewar şûrê xwe danî, mertalê xwe danî
bajarî vegeriyan ji bo dengek belav bibe
balindeyekê kire ureur û nikûlê xwe tûj kir
ber bi stêrkan ve çû weke stêrkeke nûgihaştî
niha li pey dengê çiyayekî diçim
dibînim ku çi reng e li aso veşartî
dibiriqe siya ji asîman diherike
dûxana bayê xerbî û çend dilop ax
naşibin tu tiştekî û xwe jî
bi carekî dimire diya min
yan qêrînek ji mala neyaran
hemû derî dipekin ji pişt xwe ve
pace kor dibin, her kes dipeşkile
her kes navê min ji bîr dike û ez jî
tu dibêjî qey ez xewna yekî din dibînim
Anlam için kelimeye çift tıklayın (Ferheng) Anlam için kelimeye uzun basın (Ferheng)