Şêrko Bêkes
hemû caran
ku serî dixî li ser milê min
wextê diçim nav porê te
di nav wê de dibim perperoka şaşbûyî
û winda dibim û nayêm.
hemû caran
ku destî dixî nav destên min
êdî ew pênc tiliyên destê min
dibin pênc masiyên hûr û diçin gola çavên te
û winda dibin û nayên.
ew wextê ez
vedigerim bo nav xwe
ew deme ye ku ez tenê me
û tu li wir nîn î!
*Ji Soranî: Ehmed Berojî
*Çavkanî: Medya Civakî (@ehmedberoji)
Anlam için kelimeye çift tıklayın (Ferheng) Anlam için kelimeye uzun basın (Ferheng)