Osman Sebrî
Ez bi xwe çepim çep dimeşim, dê çep bimînim
Bi ramana xwe di çepiyê qencî dibînim,
Ne bi terî bim ji bo çepan doza xwe berdim
Gava bixapim di vî warî teqez ne merdim.
çepê mafê min bi zor bixwê ew kolîdare.
çawan di be çep? Ne mirove, ew segê hare,
Neyê bîra we ku ez bêjim roava başe,
Kû wê hêviyê ji min bike gelekî şaşe,
Tenê dibêjim herdu serî ne dilovanin,
Ji bo kara xwe sitemkarin wekî guranin,
Ji me re divê nebin dûvik, em ji bo xwe bin
Bo parastina giyanê xwe jîr û zana bin.
Anlam için kelimeye çift tıklayın (Ferheng) Anlam için kelimeye uzun basın (Ferheng)