Necat Baysal
"Ji bo biranîna şehîdên taxa kanîka ya Nisêbînê"
Dilê me yî ku ji awirên we
Hatiye kavilkirin
Wêran bi Wêran
Koça xwe ya dawî didin
Li kêleka goristana Heciyan
Rêz bi rêz vedizilîne wijdanê me
Di nav xwîneke hişk û sor de dihêle
Di kemînên bêbav de
Hijdeh siwarî ji dayik dibin
Ji dayikbûnên bi êş
Ji dayikbûnên bi girî
Û hewar...
Welatînoo
Kerrikên guhê xwe bigirin
Nebîhîzin
Hestên xwe bi qeyd û zincîran girêdin
Zimanê xwe bidrûn nebêjin
Perdê bavêjin ser çavên xwe
Nebînin...
Ax Ax!
Siwariyên li ber kanîkên ziwa
Bê av man
Çawa bûn
Çawa çûn?!
Ji Paytextê Êşê, Weşanxaneya J&J, 2016
Anlam için kelimeye çift tıklayın (Ferheng) Anlam için kelimeye uzun basın (Ferheng)