Îbrahîm Seydo Aydogan
Ne payiza umir bû, min xewnên te kiribûn balgîf ji xwe re
refê xortikên nûgihiştî û keçikên xama li tengala te ne
kalemêrekî ji zarokan re çîrokeke weha
digot ku "di dawiya wê de tu dihatî û te prenses rizgar dikir"
bi ramûsanekê...
wê qelema ku dîrokê dinivîse gelo dê nelikume
heger remildar ne şaş bin vê carê
û şêxan xelet nexwendibin
û dunya xirab nebe
min dît ku jinan li ser tenûrê qal dikir
li qahweyan digotin
zarokên penaber di stranên lîstikan de digot
û li nav konan baz didan
ku we sûnd xwariye
ku welatekî ji wan re ava bikin...
te xewnên me ji xwe re kirine balgîf
da ku gidî
tiştek bi wan neyê...
Anlam için kelimeye çift tıklayın (Ferheng) Anlam için kelimeye uzun basın (Ferheng)