Şêx Riza Talebanî
Ew roje ke toram û le Kerkûk seferim kird
Manendî ‘eqarîb le eqarîb hezerim kird
Gerdûn sinekî kirdim û hênamye Koye
Mîwanî le kin Mame Xefurî lecerim kird
Xwastim ke birrom bo seferî Rom be seyahet
Neyhêşt û dûsed ehlî ‘emamey le serim kird
Danîşê neçê min kiçî xom mare dekem lêy
Ew talîbî dinya ye ewa mu‘teberim kird
çirûsa le berim cubbe û fisa le serim fês
Ne fêsî le ser nam û ne cubbey le berim kird
şeş mange bem qisane gilî damewe lay xoy
Nemzanî milim bişkê tîya çûm zererim kird
Wellahî dekem derheqî ew bellku ziyatir
Ew kare ke derbarey Reşîdî piserim kird
Karim terr ebê emwit eger lutfî bibê mam
Ey layiqî rîşî be Xuda karî terrim kird
Bo muctehîdan gerçî cewazî nîye teqlîd
Min muctehîdim hatim û teqlîdî kerim kird
Ey gûy Xile bem lutfe ke ew kirdî legell min
Lem merhemet û lutfe ewa min guzerim kird
Herçende witim wextê ke dîm nexwetî qelbî
Ya reb legell şêx Elî bo çî şerrim kird
Her deçmewe lay gerçî billê hatewe dîsan
Ew xwêrrîye bêkare ke min lêre derim kird
Herçende Reza ba‘îsî bednamî ye ‘ewdet
Lem sûkî û bednamîye serfî nezerim kird
Anlam için kelimeye çift tıklayın (Ferheng) Anlam için kelimeye uzun basın (Ferheng)