Şêx Riza Talebanî
Mîr be sed minet henardî êstirêkî rût û qût
Dest û pa sist û seqet endamî herwek ‘enkebût
Xawenî alîkî nallêm pê nedawe mutlleqa
Dawyetî emma weku bîstûme qûtî la yemût
Pûş le lay helwa ye hetta ger pelluşey çing kewê
Bay eda, lûlî eda, qûtî eda, manendî hût
Gerçî natwanê bibizwê hênd lerr û kemqiwet e
Denke coyekî nîşan dey ta qiyamet dê le dût
Piştî rîş û şanî zamdar û cedew bû na‘îlac
çend qiroşêkim hebû bom da be newt û enzerût
Sey Fetahî meyterim rojê be huccet lêy newî
Kilkî derhêna le bin emca be astem giwêy bizût
Ger qellew bê em ecinne lêre tesxîr nakirê
Xeyrî çend derwêşî reffa‘î be zorî celicelû
Mesllehet wa ye heta neyxwardûm bînêrmewe
Zor etirsim def‘eyê qûtim bida bimka be qût
Em meta‘e çak e her layiq be Hacî Ehmed e
Cûtî pê bika herweku cût herdû lingit kird be cût
Layiqî şanî min û şayanî şe’nî to nebû
çawekem çît pê billêm çarim nîye xeyrî sikût
Anlam için kelimeye çift tıklayın (Ferheng) Anlam için kelimeye uzun basın (Ferheng)