Şêx Riza Talebanî
Ey mela qet to le zerfên da weha xêra nebûy
Ya le hîzî bextî min ya moreket mûy pêwe bû
Hall le sê xallî nîye tu Xuda be rastî pêm billê
Mûy simêllit ya berit ya kilkî yabûy pêwe bû
Wa dezanim mûy rizîwî pîstî debaxxane bû
çunke asarî ketîre û cewt û mazûy pêwe bû
Peşmî paşit bû mezinde çunke wextî rojhellat
Dîqqetim kird dewûpiştî zerfekan gûy pêwe bû
Mûy segî girrwêş weha nabê be texmîn sedhezar
Rişk û espê û kêç û kehlekirm û kernûy pêwe bû
Elxerez dû pişkî rohim çû le tirsan ew şewe
Hênde dûpşik û hezarpê û mar û mêrûy pêwe bû
Qaweçî rûy sînîyekey herçend be nînok hellkirrand
Qel‘î asarî nekird hêşta beşî toy pêwe bû
Zor nemabû bonî sergên bimkujê way tê degem
Tûkî bin kilkî ker û bargîrî mirdûy pêwe bû
Dawekey mûyîn û girrûynit bekarî hîç nehat
Gerçî her layê dûsed efsûn û cadûy pêwe bû
Damenê bo baz û şahên dawî peşmîn ey kere
Ker ke dayna dawî peşmîn her be paşûy pêwe bû
Anlam için kelimeye çift tıklayın (Ferheng) Anlam için kelimeye uzun basın (Ferheng)