Şêx Riza Talebanî
Xuda wextê hezka bendeyêkî xoy bika xoşnûd
Le rêgey dûrewe boy dê be pêy xoy şahîdî meqsûd
Le Hîndistanewe şeş mang e rê ta xakî Kurdistan
Xuda şêx Ehmedî hîndî rewan kird bo Mela Mehmûd
Mela Mehmûdî Zengine ye‘nî qutbî daîrey îrşad
Le dewrî merqedî her dengî yahû dêt ya me‘bûd
Le paş ew Erşedî ewladî şêx Ehmed le cêy danîşt
Bî ‘eynî wek Suleyman cênişînî hezretî Dawûd
Bellê babî weha ellbet debê firzendî wa bênê
îlahî sedhezar rehmet le qebrî walîd û mewlûd
Be rehmet çûn ewan ba bêynewe ser basî Ewrehman
Fîdat bim ey netîcey dûdemanî Ehmed û Mehmûd
Netîcem meqsede tallî muqeddîm şertî tehsîl in
Ewaney bo îcad kird Xuda ta em bibê mewcûd
Emêstaş şêx Elî neclî kebîrî sahîb îrşad e
Emîş wek bawk û bapîrî le zumrey ewliya me‘dûd
Rezaş lew nesle ye bîbexşe ya rebî ke qet nabê
Gullî bêxar û behrî bê buxar û agirî bêdûd
Anlam için kelimeye çift tıklayın (Ferheng) Anlam için kelimeye uzun basın (Ferheng)