Sebrî Vural
Bêhna șûrên neșuștî,
Bi serhildanan paqij dikim,ji rûyên te.
Bi çavên șîlaq û șeliqî,
bi nêrînên pispisok rêdana rêya te dikim.
Henaseya xwe teva reșêșkên baranê,
Û
Nermebayekî hênik bi xeyalên xwe re,
Ji te re bi rê dikim.
Têr av bide gul û sosinên dilên xwe.
Devên avzêmkên çavan berdidim,
Bila derbas bibin,
Di co û cobarên li ser kolikên sînga te.
Kirasên helbestan vajî lê dikim,
Ji bo xatirê çavên te.
Anlam için kelimeye çift tıklayın (Ferheng) Anlam için kelimeye uzun basın (Ferheng)