Jîr Jan Amedî
heyv ji hêviyê re biriqî îşev, ya banûya çavmey
hilmek nefesa te bikeve pişa mina sar û bêdey
ez hê serxweş û mest im, li cihê te ez lê hiştim
bibe moriya xewê, min razîne ez xwediyê şeva ristim
şeva rist min neçar xist nav destê jan û jaran
bawer bike mirov tu car nabe dostê neyaran
çi bikim ji dil, şelûfk e, ketiye destê xedaran
hestiyê min hêrandin van zaliman, ez kuştim
dilê min şelûfk e, nazik û pir narîn
deng neke, bêfeyde ye axin û jarîn
bes e dilê tenik, tu dikî hewar û zarîn
ez îro bêhevî me, ji xwe dest şûştim
Anlam için kelimeye çift tıklayın (Ferheng) Anlam için kelimeye uzun basın (Ferheng)