Arjen Arî
Dirûxe di bin baskê balefiran de taxên bajêr
Herî pirr li jêr, tarên misilmanan!
Fer fer in qumrî, çivîk qefl qefl diteriqin!
Ji hezar salî û vir ve de Şerê Ihûd!
Ez Hewlêr im, tu Beyrûd
Kîjan keştî dê bar bike waqa însanan?
Li ber Hîmê Girî rondikên Mûsa
Kîjan xak ne Quds e, kîjan bajar ne minewwer?
Min welatek divê, herûwer!
Li çola Ken'an, li berpalên Cûdî
Çîroka şer ji Harût û Marût
Ez dibêjim Hewlêr im, Qebbanî
Tu dibêjî: Ene Beyrûd!
*Çavkanî: YouTube (Mem Artemêt, ji dengê YEHYA Omerî)
Anlam için kelimeye çift tıklayın (Ferheng) Anlam için kelimeye uzun basın (Ferheng)