Nurcan Delîl
Min di tariya bêfam de bihêle
Te xwe lê qewimande jî
nekeve hundir
Bîranînên min
xwe daliqandine
perçeyên min jî
neyne ber hev
Bila bibin werzeyên jîyanê
Dema tu ketî hundir jî
nepirse ji çavên min
ên rijîyayî
Tu tiştekî
li ser tayên porê min ên kurkirî
bigirî!
bi keziyên min
paqij bike hêsirên min
ên bi xemsarîyê re dilebitin
û min bike çîrok
di nava qêrînîyê de
*Ji pirtûka wê Risteyên Gazincbar, r: 37
*Bi destûra helbestvanê ye.
Anlam için kelimeye çift tıklayın (Ferheng) Anlam için kelimeye uzun basın (Ferheng)