Hamid Omerî
ez ji milkê xwe derketim
halbûkî min digo ezê li vir dilê xwe li wê vekim
ezê li vir bibim bavê porxeleka xwe
ez ji milkê xwe derbûm
qaşo min digo ezê ji wê mesîlê wekî tîrekê xwe bigihînim bermaliya xwe
ez ji milkê xwe şiverê bûm
kenehû min digo ezê li vir rî û simbêlan spî bikim
ezê li vir her êvar bi kîsikekê vegerim kebaniya xwe
ez ji milkê bavê xwe teriqîm
xwedêgiravî min digo heta kulîlk vekin li ber paceyê
ezê vegerim di ser behrekê re ji vê xerîb û xurbetê
vêga li xerîb û xurbetê
bi hisreta konê kurmancî
dîwarekî qewî lêdikim heta xwe bigihîne min emrê xwedê
*Şînşem, Hamid Omerî, r: 64, Weşanxaneya Avesta, 2021
Anlam için kelimeye çift tıklayın (Ferheng) Anlam için kelimeye uzun basın (Ferheng)