Bêwar Ibrahîm
Tifka xwe veda
Ji ariyê paqijkir
Darpembok şikandin û xistin
Hindirê wê
Beroşa avê danî ser û bizav da xwe ku
Vêxe.
Lê kir û nekir tifka wê vêneket…!
Bêhna wê pir teng bû..
Beroşa ava xwe rijand û hawar kir:
Xwedêyo !
Qey ez pêtekê ji serê birakujiya
Gelê kurdan
Ji xwe re bînim da ku tifka min
Vêkeve…?!!
Ji dîwana wê ya bi navê "Nameyek ji bo Qederê" (şam 2001)
Anlam için kelimeye çift tıklayın (Ferheng) Anlam için kelimeye uzun basın (Ferheng)