Jan Dost
Lêvên wê du fincanê ji qehwaya bi şîr in
Qeymax û penîr in
çavên wê du berx in di dilê min de diçêrin
Geh xencer û kêr in
Sînga wê ji berfê ye memik gogê herîr in
Yan baxçeyê mîr in
Destê mi diz in tim xwe di nav de vedişêrin
Cengawer û şêr in
Wek horiyê min dîbû li ser qûma peravê
Ew gawirebavê
Laşê ter û nazik ketibû ber şewq û tavê
Wê gerden gulavê
Ez hatim bi ser de weke baran û xunavê
Wek bazê li ravê
Bêhiş ketime derya evînê heta navê
Jê pêve mi navê
Bûm rengê Tetaran mi çi dî min kire talan
Bû qewxe û halan
Ez bûme zinarê ku ji jor tête newalan
Sêr çûye xezalan
Keç bû geliyê Teyran li Efrîn, bûme Salan
Qessabê delalan
Em bûne leşek tiştê me kir nayê xeyalan.
Mah û dem û salan
13.5.90 Bêrût
Anlam için kelimeye çift tıklayın (Ferheng) Anlam için kelimeye uzun basın (Ferheng)