Helbestên Komî
Dîsa bû nîvê şevê
Xemfiroş! min xew divê
( Soran )
Çavê mi j`xewa ketin
Çibkim ev dil nanivê
( Qaso )
Xew li min heram bûye
Dûr im ji lêvhungivê
(Soran)
Pêlê tirsê b`vir de tên
Bêzar û jar im bi vê
( Qaso )
Çav li rê man vekirî
Hêvî nadin bersivê
(Soran)
Ev dilê bêxewmayî
Hino hino d`hêrivê
( Qaso )
Dil li benda kesekî
Ku pê re xweş bicivê
(Soran)
Bi van çavan ez ji te
Nabînim lept û livê
( Qaso )
HewQasî miryê te me
Çima hîn napeyivê
(Soran)
Gula Sor an xewdizê
Bêsebrê dil naçivê
( Qaso )
25.09.2017
Amed, Dîlok
*Soran Amed, Qasimê Xelîlî
Anlam için kelimeye çift tıklayın (Ferheng) Anlam için kelimeye uzun basın (Ferheng)