Miraz Ronî
Gelên cîhanê hemû tev
Sipî û reş hindik û zehf
Bibûna bira li gel hev
Wê gav jiyan çiqas xweş bû
Ewrê rûreş qelişîne
kelên zulmê pelişîne
Zordar li ser biqeşîne
Wê gav jiyan çiqas xweş bû
Birq xwe ji rojê xwe berda ser
Zîntol bûye zilmat ji ber
Kaniya jiyanê bida der
Wê gav jiyan çiqas xweş bû
Qe tu dilê nekêşa ax!
kulên xedar tim bûna sax
Dara şayoka bida şax
Wê gav jiyan çiqas xweş bû
Li tu xakê nema nalîn
Berda hovîtiyê zanîn
Li rêçika Rêzan lenîn
Wê gav jiyan çiqas xweş bû
Dinê bûya gul gulistan
Bûya derman bo bindestan
Azad bûya min Kurdistan
Wêwav jiyan çiqas xweş bû
Anlam için kelimeye çift tıklayın (Ferheng) Anlam için kelimeye uzun basın (Ferheng)