Miraz Ronî
Bi fixan û hawar e dil
Sing sêla sor tev ar e dil
Sed derpan birîndar e dil
Ku îro dil çarpar e lo
Parek dil nik Ronî ye çû
Parekî Dara bir li dû
Parek li rik hêrsan disû
Yek li min dîn û har e lo
Van xayînan, van nemerdan
çendî egît li me der dan
Ey bjîşkê jana kurdan
Min hinav tar û mar e lo
Birîna min çendî kûr e
Lehiya xwîn jê difûre
Li ser gerdena min şûr e
Gelo mirin çend car e lo?
şêr di qefes di zindan e
Gur dizûrin li meydane
çi bext e ev çi dewran e?
Felek ev çi bazar e lo?
Anlam için kelimeye çift tıklayın (Ferheng) Anlam için kelimeye uzun basın (Ferheng)