Mîkaêlê Reşîd
Ez destê xwe didim
Ser bedena darê,
Û destê min hêdî
Ricafa wê dibhê.
Û dar dijî, dijî
Ne ku tenê boy xwe,
Lê bona min, boy te
Û bona wî dijî.
Ba belgê darêda
Xwera nerm distirê,
Kilama wê xweşe,
Ça berbanga sibê.
Û dinê bona min
Dîsa xweşe, teze
Çawa teze bû, ew,
Wexta ku zar bûm ez.
Dar bi ricafa xwe
Bin destê min vira
Kilama zarotya
Merivaê distire.
1972
ji We'de-Pencere-Mitale, Weşanxaneya Belkî
Anlam için kelimeye çift tıklayın (Ferheng) Anlam için kelimeye uzun basın (Ferheng)