Mela Xelîlê Mişextî
Ji ber te şêt û şeyda me
Ciwan û xwînşîrîna min
Mişext û jar û riswa me
Cihê sebr û evîna min
Nemaye sebr û aramim
Binêre şiîr û îlhamim
Erê ka bade û camim
Ku derman kin birîna min
Ne derman e û ne noşdar e
Ne diktor e û ne pisyar e
Dilê jarim birîndar e
Ne Îsa tête hana min
Birîna min qewî kûr e
Me êşek muzmin e û pîr e
Hewara gurgî ye, dûr e
Mixabin bêxudana min
Reş in çend bax û bîstanim
Nema cê geşt û seyranim
Piyase û rav û geryanim
Wilatê nav şirîna min
Hezîn in wargeh û berçel
Nema nesrîn, gul û nafel
Diçeriyêtin li nav da qel
Li nav genc û xezîna min.
*Çavkanî: Besam Mistefa, "Mela Xelîlê Mişextî: Serpêhatiya Pênûs û Jiyanekê"
Anlam için kelimeye çift tıklayın (Ferheng) Anlam için kelimeye uzun basın (Ferheng)