Elîriza Spahî Layîn

1-Gaşe Ji ser sêdarê Em nayên xwarê Gaşe dinya, me Bibîne carê! 2-Erman Derdê bê derman Xem bûne xerman Şev û roj sa me Bîst û çar erman 3-Hêstir Çilkek hêstir im Li te difkirim Çavên xwe veke Nehêl bimirm! 4-Du Rê Tenê du rê ne Ku bi çirê ne Evîn û zanîn Yê din girê ne 5-Bawer Janê eser kir Çavê mi ter kir Ketme çavê te Ta te bawer kir 6-Wî Şev û ro kar e Dil birîndar e Şev ji wî qar e Ro li wî nare 7-Çira Şeva bi baran Şerya li daran Çira vêxistin Sa bêx ra, naran 8-Hîv Hîva mi derket ser Gulîlê Ala li dest, birno li pîlê Tîfegul e, çavek li Êwez Tîfegul e, çavek li îlê! 9-Yara min Pir şîrîn e, yara min Xalzêrîn e, yara min Dema ez sa te dîn im Kî dîn nîn e, yara min?! 10-Çok Li ser kanyê, keçk û bûkan Rûniştîbûn, bişûn nûkan Dene dene, dan kevûkan Ez ji bîr bûm li ser çûkan 11-Kanî Çavên te kanî ne Sa aşiqan tî ne Li ser xwe, wan dîsa Mala mi danîne 12-Şandin Daran diçînim Şêran dixwînim Gulan kom dikim Sa kê bişînim? 13-Yekdeng Em tev bira û xweng in Tev yekdil û yekreng in Em kurd, hemû heval in Li pişta hev, yekdeng in 14-Xweşî Bêhna biharê tê Dengê simarê tê Xweş tên, lê xweşya min Hîn jî, ji yarê tê 15-Şûna Te Dîsa sêzde ye Va cejna me ye Li dilê gulan Şûna te ve ye 16-Dax Şev, sa te bi şîn e Dil sa te ra dîn e Ez sa te ra dayîk Dax im, hîne, hîne! 17-Em Em bê dirav inî Bê nan û av inî Şukira xwedê li dil Hîn jî bi nav inî 18-Dîya Min Ewrên xem û derdan Çavên çîyan berdan Bi ser dîya min da Barîn, li çar herdan 19-Serêvar Mal; tarî û sar e Şev; qet li min nare Çîka sibê rakev Vir, hîn serêvare 20-Rind Gûryanî em; zinde Halê me hîn rind e Janan nizanin, ker? Çermê me qalind e! 21-Çavên Şil Hate mi dengê dil Dîn bûm, ezê baqil Dil sa xwe, kenî, çû Ez mam û çavên şil! 22-Dilişkestî Bûka mîna guldestan Xine ma li ser destan Çû, bi dilek işkestî Sîyar bû li darbestan! 23-Nifir Canê me xwar te rûgewrê Li caylên me dikî cewrê Hîn ji me dixwazî sewrê? Elo mergo, herî qewrê! 24-Kenîn Çûme gulzarê Geryam li yarê Bi min dikenîn Gulên biharê 25-Orzelî Berfendîl helî Kanya dil, kelî Bûka dûmanê Dû kir orzelî 26-Hesyan Hat bihara min Şîn bû dara min Dar, pê nehesyan Gul da, yara min... 27-Nabe Dilê min şa be Yar tê, de rabe Govendê bigir Çav li rê, nabe 28-Çavkanî Helbesta min, lal e Destê min bital e Li işqê, digerim Çavkanî li mal e 29-Dîsa Îşev li yanê min Raketye canê min Dayîk dilorîne Dîsa zimanê min... 30-Eger Ba û barif e Dil, diricife Yex dikim, eger Ew, neaxife *Ji pirtûka “Duçar”ê, weşanê Madyarê, Sine - Kurdistan, 2020 *Şîrkûh Pehlewanî edîtorê helbestvanî ye, ji aliyê wî ve ji bo me hatine şandin.