Dilbikulê Cizîrî
Mefaîlûn/Mefaîlûn/feûlûn
Dema bimrim mirîşûya mi tu be
Ji ber ku ew tilî pirr xoş û nerm in
Şuwara min li cem kê be li kû be
Li çar alî biqulbîne tu her min
Bila tayê kifin mûyê gîsû be
Ji bo ku mestke her miska Teter min
Bila ew destê nazik ser stû be
Nebit bêhnek bibî dûr tu ji ber min
Bila çavên te yên reş her li rû be
Dibit rûhê şêrîn dîsa bê ser min
*Bi destûra helbestvanî ye.
Double-click a word for its meaning (Ferheng) Long-press a word for its meaning (Ferheng)