Zulkuf Kişanak
Erê,
Welatê ma, Kurdistan çend xasek o
Kes,
Eşqê ey ra û ê to ra
Ma nêbeno xînt
û derwêşo bêqewm,
Wexto ke dûrî kewno, beno xerîbê to
Delalê
û delala çimrengîne, eşqa girde
Tîja mi
Stilîlê ra,
Dewa Apê Mûsayî ra cor
Xerêbê esta, wextêk ci ra vatêne: Xerab Papa
Nêkewte kamî dest ke, na dewa şîrîne, dewa hezar serran
Medan ra, kalê kurdan ra bigîrê
Heta Persan, Bîzansan
Selçûkiyan, Osmaniyan û Roma Reş
A şewe,
şewa ke Hemîd û Bayram berdî
Qereqolê Dalagaçî
Cendirmeyan; ê kiştoxan
Xerêbê ra,
Adir newe ra kewt Koyê Omeryan û Bagokî
Xerêbê
Wareyê embazê ma Huseyîn Denîzî bi
Wexto ke tutekî musnay şoreşo pîroz, şoreşê rûmetî
û Xerêbê, dewa veyveka xaseke
Dewa şewqê Xanime bî
Ewro zî bêwayîr
û sêkur menda, bermena
Sey min û to
Delalê
û delala çimrengîne, eşqa girde
Tîja mi
Erê
Xerêbê, dewa ke bedenê xo kerdo vinî
şaristano qedîm
Embaza Darêya ma
û Girnewasê Hurriyan, Mîtaniyan
Ka Antîakos, ka Reşo û ciniya xo Reşê Xanime
û ê şêrî, ê qelenderî
Ser a şî
Delalê
û delala çimrengîne, eşqa girde
Tîja mi
Anlam için kelimeye çift tıklayın (Ferheng) Anlam için kelimeye uzun basın (Ferheng)