Zulkuf Kişanak

Ez Ez xo veradana vera Awka Botanî Sêrtî ra Germawa Bilorîs ra pey şina û şina binê na newala zaf xaseke ra Bêveng Tew, Tew bike nê zulimkaran rê, nê bêwayîran rê Ke pêro dewî dayî adirî ver, hetê Botanî de Delalê û ez kewna Deşta Mişarî Na deşta ke koyan çar kîştan ra aye tepişta Erê şima rê çiyayê Reş, îsxasa, Serê Sohrê Basê û Gebaro pîroz Erê Erê Gebar, serkêşê koyan Ka Egît, ka delalê eşqê girdî, adirê zerriya kurdan To çi rê tik û tena da nê bêbextan û Newala Qesaban Tew Tew bike nê zulimkaran rê, nê bêwayîran rê Ke pêro serkêşî kiştî Newala Qesaban de Delalê A roje A roja ke roj zaf giran akewt, xeberê ameye Tilmişarî Ke Anqere yew paşa şawito Botan, kîşta Dihê Tira ra vanê, “îbrahîm Talî” paşayê artêşa Kemalîyo Ende zî çimsûr o; û çimsûriye keno kurdan rê Roje hîrêyê temmuze, serre hezar û new sey û vîst û new Tew Tew bike nê zulimkaran rê, nê bêwayîran rê Ke heme kîştan ra amey çimsûrî û kiştî tutekî, cinî, kokimî Deşta Mişarî de, çiyayê Reşî de Erê Erê Resûlê Mihemedî, bêbextê şêx Seîdî û bêbextê kurdan De werze, Ewro, roje roja to ya Bewnî top û tankî yenê hetê Dihê ra Cor a zî teyarey û leşkerî zî Se qiyamêt Tew Tew bike nê zulimkaran rê, nê bêwayîran rê Ke topan, tankan, teyaran pêro rayî, çemî, newalî tepiştîbî Hawar Resûlê Mehemedî Birayanê ey Egîtî û Ahmedî û hemeyê eşîra Jilyan, Batman, Derwêşan Verê xo day çiyayê Reşî Hawar Hawar nê top û tankan rê, nê teyaran rê Adir kewt Botanî newe ra, sey wextê Mîr Bedirxanî û sey nikayî Heme camêrdî, cinî, tutî û kokimî kewtî halîn Halînê hezar serran, verara koyê qedîmî, ê Mezra Botan Yew bi yew geyray û nimite rûmeta girde Bêminnet Sey ewroyî û Resûlê Mehemedî zî xo eşt bextê Mala Haco Başûrê Qijekî de, Delalê û delala çimrengîne, eşqa girde Tîja mi