Mueyed Teyib
yekemîn wîşîyê tirî
min çinî
yekemîn cama şerabê
min têkil
kê rezê min sot
kê cama min dernişîv kir
kê ev bîyabane hemî gewrîya min de kir?
eger ez mirim
bila mêweka tirî
li ser gorê min bikete girî
canê min bêrîya rondikên sor diket
yekemîn gulya genimî min dirî
yekemîn nan min avêt ser sêlê
kê agirê min vemirand
kê nana min revand
kê ev kulm ber min rakir
eger ez mirim
gulyeka genimî li porê min wer kin
bila çûçikên birsî dadene ser
canê min bêriya baskên azad diket
*Ji ber dengê wî hatiye deşîfrekirin
Anlam için kelimeye çift tıklayın (Ferheng) Anlam için kelimeye uzun basın (Ferheng)