I. Bêrîvan Celalî
Were ba min dildarê min
Destên xwe li ser min bigerîne
bi nefesa xwe gerdena min bimistîne
bedena xwe hêdîka li ser min bijidîne
dema em winda dibin
li ser baskên evînê
Were ba min xwoşewîstê min
Bila porê min sînga te bidiqdiqîne
û lêvên min guhê te bikotin
bila bejn û bala min te bimestîne
dema em bimbarek dibin
bi ronahiya evînê
were ba min hebîbê min
em kulmekê ji kaniya jiyanê binoşin
em gerîna wê dinyayê rawestînin
em şerbeta asîman biçêjin
dema em rehmetî dibin
bi coşa evînê
*Bi destûra helbestvanê ye.
Anlam için kelimeye çift tıklayın (Ferheng) Anlam için kelimeye uzun basın (Ferheng)