Husein Muhammed
Pêşî
Xwedê bi hesûdî li te dinerî
li bedewiya te
li çavên te
û Xwedê xwest
bi bedewiyê
rikeberiyê li gel te bike:
çem û çiya,
derya û daristan afirandin
lê bedewiya kaniyan
tenê awêneyên bedewiya te bûn
candar liv û lebatên xwe
ji bejnûbala te fêr bûn
gulên mêrg û çîmenan
bêna xwe ji te wergirtin
û deşt û zozanan
dirûvên xwe li ber wêneyê te
nîgar kirin
lewre Xwedê di rikeberiyê de xusirî
û daket ser lêvên te.
Tama Xwedê
ji lêvên te seh dikim
Anlam için kelimeye çift tıklayın (Ferheng) Anlam için kelimeye uzun basın (Ferheng)