Ferîd Xan
Rabe
Ewrên ji nakokîyên çavên me kombûyî har bûne
Qedrê rêçenasan em bidinê û ji baxçê Ezraîl em gulan bidizin
Rabe,
Ji çavên xwe zeytûnên reş, ji selika xwe ya tije bihar
hezkirinên xweyî nekedîkirî bide min
Rabe,
Ji evînê re li mezheban bigerin em,
Li ser gustîlên ferîşteyan em ayetên dildarîyê binivîsin
û li kûderê... sermawêz zû nayê em biçin li wir vekevin
Rabe,
Delala ji çîyayên jînê areste
Xezala jan blûz û lê ye
Aramcana daxwazîyên bê mal
Rabe,
Payiz zû tê em ê zû bimrin...
*Çavkanî: Helbestên Bijare ên Evînê, Hawar Pirtûk.
Anlam için kelimeye çift tıklayın (Ferheng) Anlam için kelimeye uzun basın (Ferheng)