Dîlber Hêma
Xwîn dibe baran
Dineqişe bi dilopan
çavên xezalê
Xezal
Li xweşikbûna xwe
Mikur tê
Xwîn dibe jahr
Pê vedide
Porê Medûsayê
Digirî sarinca bin erdê
Xwîn dibe bahr
Di xew(n)ên arî de
Kevz digire
Deqên dayikê
Ji şevên bêkolan
Sîlueta keçekê didize
Xezala beza û
Ji bilî bêjeyên bêjî
Namîne stêrk li asîmanan
Dilên dil(ber)keçik
Dipengize ji malên kavil
û
Ji pêsîrên Medûsayê
Diherike xwirêza jiyanê
Baran
Li dû xwe dihêle
Xweşikbûna xwe
Bar dike ji bajaran
Jahr
Xwe jahrdadayî dike
Bi bargiraniya welatekî gulîsor
Bahr
Bi med-cezîra botanê
Tewaf dike tirba mem û zînê
û dimiçiqe (bi hawar)
Li xwînê dilikumim
Helbesta qîzanî
Di xwînê de dihêlim
û diherim...
Anlam için kelimeye çift tıklayın (Ferheng) Anlam için kelimeye uzun basın (Ferheng)