Dilbend Xelîl
Newroz îro tu xemgîne
Li Qamişla evînê
Vê buharê tev xwe reş kir
Hêsir barandin ji kîne
Rûkê van çiya tev reş bû
Bi arê newrozê geş bû
Bû wek xwîna wan şehîda
Newroza vê salê meş bû
Newroz wan li me kirin xem
Xwîna me rijandin wek çem
Gelî kurdan ne çilmisin
Got nabe me divê berhem
Ne tenê newroz xemgîne
Roava pêre xemgîne
Rokê hêdî serî danî
Bê hiş mabo ew jî dîne
Ev buhara xweş û şahî
Ev ezmanê bê ewr sahî
Li me kirin xem, kul û derd
Kirin ser me ax û ahî
çilmisîn gulên buharê
Li ser te hey gulîzarê
Gulîzara wan şehîdan
Ne hiştin herin mezarê
Wer ji xwel Amûdê biner
Alê reû bilindin li ser
Başûrê biçûk xwe reş kir
Dinya tev hejiya ji ber
Ne tenê kul, êş û lave
Ev êşa han bû girdave
Ev çi hat bi serê kurdan
Danyik bi qêrîn û lave
Hey lê diyayê dinyayê
Qey ev zor ji te hilnayê
Ta kengî em Kurd bin destbin
Di bin destê zordaryayê
Gawirtî ew tim dûm dike
Qet zordarî ew dûm nake
çi qas ew zordar jî pir bin
Gawirtî wê xwel wan rake
çi qa xwe xurt kin bin kînê
Qet nabe himber peqînê
Peqîna başûrê biçûk
Ji bo azadyê û jînê
Hew ne sebr ûaram nema
Kurdo xwe nexîne xema
Gotin jî bi zordar nabe
Xwînê birjîne wek çema.
Anlam için kelimeye çift tıklayın (Ferheng) Anlam için kelimeye uzun basın (Ferheng)