Çerkezê Reş
DEM
Kî xwe piş dara miraza veşart?
Ew kî bû, ku vir tirs - ricaf barand?
Îşq dilerize - hal - hikyatê sert,
Ba nalikije - hevkarya birand.
Şidyane xweda baskê teyreda,
Darê dihesin him mezîl, him ‘erş.
Lê dem girane - wê xwe berneda.
Bextek, her bextek ketye kevrê reş!
Û aha îdî diweşe kozî
Ji ruhê îşqê û ji lêva bê,
Ça hesîya sar - dem maye tehzî,-
Perr - baska hilda qeweta hubê!
Kî xwe piş dara miraza teland?
Ew kî bû - çehvê yazyê girêda?
Ew kî bû - çehvê min usa deland?-
Ku alîkî min ha kişya pêda?
*Ji pirtûka wî 'Şorişa Xebera' r: 64, Weşanên Belkî
*Tîpguhêzî ji Kirîlî: Rênas Jiyan
Anlam için kelimeye çift tıklayın (Ferheng) Anlam için kelimeye uzun basın (Ferheng)