Adar Jiyan
Gazinan nakim
Xeman naxum
Bengî bûme
Evîndar im
Di şevên ripîreş de
Bi hêviya
berbangeke sipîsor
Ne tenê
Ji ber tenêtiya xwe
Ya rojekê
û miûziya xwe
Ya danekî
Rojê temenekî xerc dikim
Ji bo te
Bi hestên xwe
Bi destên xwe
Li dar dixim
Sêpêka xwe
Sêpêka dardekirina xwe
Dikim qîrîn
Bi zimanê xwe
û Dibêjim:
Ne tenê cerekê
Ne tenê canekî
Rojê sed carî
û carê sed canî
Dikim goriya te"
û dîsa
bi destê xwe
Dikşînim
Benê dardekirina xwe
Ey jiyan
Anlam için kelimeye çift tıklayın (Ferheng) Anlam için kelimeye uzun basın (Ferheng)