Açıklama
<p><span style="font-size: 0.9em; font-family: georgia, palatino;">Ez ji serboriya xwe ya haîkûnivîsînê pak pê beled im ku <em>haîkû</em>, wek <em>sonnet</em>an, <em>xezel</em>an, <em>couplet</em>an û terzên poetîk î şêwemehdûd î dîtir, ber‘eksê texmîna gelek kesan ku lewane ye li cem xwe bibêjin kurt e û ma çi ye, şêweyekî dijwar û tev çiya û çelixt e, çi ku her zehmettir e wekî qelema şa’iriyê bişêt tixûbên teswîrkariya dûr û dirêj bişikêne ku di gerdûna wê ya xas de şa’ir lê baniyaye û exlebe ji her şa’irî nayê ku çilk û dilopên belor ên bizavên siruşta bixulexul bi sê risteyan û hevdeh kîteyan li sîngê demê nîgar bike bi mandegarî. Ji dewra Matsûo Başoyê japonî ta bi Jack Kerouacê emrîkî û Berken Bereh û gelekên dîtir ên kurd, weku di <em>Sihrên Mizewran</em> a <em>enwaê’ newadir û cewahir</em> û <em>elwanê nefais</em> a şa’ir Ergîn Sertemî de hatiye, haîkû kurttirîn qebare ye, lê kûrtirîn nîgar e:</span></p>
<p><span style="font-size: 0.9em; font-family: georgia, palatino;"><em>Xanîkê tenê</em></span></p>
<p><span style="font-size: 0.9em; font-family: georgia, palatino;"><em>Li xeta rêl-zeviyan</em></span></p>
<p><span style="font-size: 0.9em; font-family: georgia, palatino;"><em>Paceyên ronî  </em>   </span></p>
<p><span style="font-size: 0.9em; font-family: georgia, palatino;">Bi <em>Sihrên Mizewran</em> a <em>haîkûname</em>ya rengesmanî re Ergîn Sertem ê ‘esil<em>ba</em> yê şa’ir, wergêr û zimannas û ekterê xas ê vê dewra zimanê me keşkola haîkûyên bi kurdmancî hem bi xweşikî vedijîne, hem jî tixûbên haîkûnivîsînê berfirehtir dike, bi hêz û şiyana wî “ezmanê dî” yê ku ji gerdûna Ehmedê Xanî û Mela Se’îd Şemdînanî xwe gihandiye heyna Fêrîkê Ûsiv û heyama me hemûyan.</span></p>
<p><span style="font-size: 0.9em; font-family: georgia, palatino;">Haîkûyên <em>Sihrên Mizewran</em> hûrgiliyên rewneq ên xasenezera xaseşa’ir Ergîn Sertemî ne, ku ruhdêr û nayab in.</span></p>
<p><span style="font-family: georgia, palatino;"> </span><strong>Kawa Nemir</strong></p>
Dili
Kurdî / Kürtçe
Sayfa Sayısı
80
Boyut
13 x 19.5 cm
Basım Yeri
İstanbul
Basım Tarihi
2022
Baskı
0
Alt Başlık
سحرێن مزەوران
Resim Sayısı
1