Açıklama
<p><span style="font-family: georgia, palatino; font-size: 0.9em;">Di romana <em>Şekirê di berîka bavê min de</em> Dîlan Şewqî bîr û baweriyên mîstîk yên di hiş û bîra civatê de cî girtine û hîn jî zindî ne, bi çîroka dilsotîner a jin û dayîkeke kurd (Xanê) ku pêwendiya xwe ya bi salan ya bi pîrhevokekê re daniye, ji zilamê xwe yî ku di navbera Binxet û Serxetê de (bi gotineke mayîn di navbera efsane û rasteqîniya heyî de) karê qaçaxiyê dike (Şemso) veşartiye, bi awayekî hunerwerane û bi wêrekî vedihûne. Di vê vehûnanê de “hebûna jinê” û “kirasê ku lê hatiye kirin” (ev nîgaş di tekane diyariya Şemso de derdikeve mexderê, ku ji bo fantaziya xwe ji jina xwe Xanê re anîye) ya ku xwe spartiye dab û nerîtên civakê yên fena deziyê çil girêkî, di nava tewekên hezar salane re tên û xwe li keviyên zemanê me yê ku ji zemanê hemû gelan ciyawaztir e, didin. Jin, gelekî bi hêsanî tên berdanê (keçikan tînin û dûndeyê xwe didin destê wan) û mêrên ku di berîkên xwe de bi sê kevirên telaqê digerin, ji bo ku ben ji destê wan nefilite, vedigerin û bi dayîkên xwe dişêwirin. Heman mêr e, yê ku van gotinan dike; <em>“Ez qurbana vî laşê sipehî bim.”, </em>yan; <em>“Dayê jinka min a delal bûye destbiraka pîrhebokekê!”,</em>  yan, <em>“Ew berê bû Xanê, firaxa cam ko bişkê lihêm nabe.”, </em>Dîlan Şewqî, berê me xwîneran dide nava efsaneyan, bi him hima pîrhevokên ku kurmancî dipeyivin re, em li dû nasnameya xwe dikevin.</span></p>
<p><span style="font-family: georgia, palatino; font-size: 0.9em;">Şener Ozmen</span></p>
<p> </p>
Dili
Kurdî (Kürtçe)
Sayfa Sayısı
144
Boyut
13 x 19.5 cm
Basım Yeri
İstanbul
Basım Tarihi
2021
Baskı
0
Resim Sayısı
1