Açıklama
<p style="text-align: justify;"><span style="font-size: 0.9em; font-family: georgia, palatino;">Rojnameya Taybetî Ya Enstîtuya Kurdî ya Parîsê li ser pirsên Zaravayê Kurmancî hejmarên 1-40 tevî ferhengoka wan a Kurdî-Tirkî-Fransizî-Îngilîzî û endeksên Tirkî, Fransizî û Îngilîzî. </span></p>
<p style="text-align: justify;"><span style="font-size: 0.9em; font-family: georgia, palatino;">1-40. sayılarının toplu baskısı ile Kürtçe-Türkçe-Fransızca-İngilizce sözlük ve Türkçe, Fransızca ve İngilizce endeksler.</span><br /> <br /><span style="font-size: 0.9em; font-family: georgia, palatino;"> Her çil jimarên Kurmancî, “Rojnama Taybetî ya Enstîtuya Kurdî ya Parîsê li ser pirsên Zaravayê Kurmancî” bi hev re tevî ferhengokeke bi Kurdî-Tirkî-Fransizî-Îngilîzî hatin çapkirin. “Kurmancî”ya ku wek weşanek herî girîng a ilmî tê qebûlkirin ji 1128 rûpelan pêk tê, di ebatê A4 de ye, 8 rûpelên wê rengîn in, li ser kaxeta spî hatiye çapkirin û bi çermê reş û bordo hatiye cildkirin.</span><br /> <br /><span style="font-size: 0.9em; font-family: georgia, palatino;"> Kendal Nezan, Serekê Enstîtuya Kurdî Ya Parîsê di pêşgotinê de pirsên sereke ji bo rewşenbîrên Kurd, ji bo hemû Kurdên ku ji zimanên xwe hez dikin, wiha nîşan dide: <em>“Dewlemendiyên Zimanê Kurdî çawa bên parastin û bigihin nifşên nû? Kurd çawa, tevî hebûna devokên cihê jî, bi nivîskî an bi axaftinê ji hevûdu baştir dikarin fam bikin? Kurdî çawa dikare dewlemend bibe ku pê hest û meremên kurdên nûjen û xwenda yên sedsala XXI’an jî îfade bibin? Û xebata Kurmancî wekî destpêka bersivdana van pirsan dibîne: berhevkirina devokan, zelalkirina bingehên rastnivîsîna zimên, çêkirina peyvên nû ji bo warên jiyana îroyî.”</em></span></p>
<p style="text-align: justify;"><span style="font-size: 0.9em; font-family: georgia, palatino;">Kendal Nezan diyar dike xebateke wisa divê ku karê Akademiya Ziman a dewleteke Kurdî be: <em>“Lê kes nizane ew ê kengê dewleteke Kurdî ya neteweyî çê bibe û ta wê demê ew ê Kurmancî bikeve çi rewşê. Lewra, hin rewşenbîrên Kurd ên li dora Enstîtuya Kurdî civiyayî biryar dan ku salê du caran, her carê ji bo hefteyekê bicivin û li ser pirsên Kurmancî bixebitin, û di vê xebatê ji berhemên berê, nexasim ên Mîr Celadet û Kamiran Bedirxan û yên Kurdistana Başûr jî kelk bigrin. Li gora mecalan me xwest kesên ku bi pirsên zimên mijûl bûne an devoka navçeya xwe baş dizanin an pisporiyeke wan a taybetî heye vexwînin van civînan û ji hemû navçeyên Kurmancîaxêv beşdar hebin. Beşdar ji çend welatên Ewropî tên û bi hev re qasî deh zimanên biyanî dinasin.”</em> Her du civînên pêşî di 1987an de li bajarê Barselona, paytexta Katalonyayê çêbûn. Piştî çend civînan li Bruksel, Berlîn, Loland (Danîmarka), Dihok û Parîsê, beşdar, ku bi piranî li Swêdê dimînin, çêtir dîtin ku êdî ji şeş mehan carekê li Swêdê, li girava Biskops Arnöyê, bicivin. Berhemên her civînê di hejmareke taybetî de tên weşandin.</span></p>
<p style="text-align: justify;"><span style="font-size: 0.9em; font-family: georgia, palatino;"><em>Kurmancî</em> berhema xebata van 20 salan e û kitêba Avesta a 320an e.</span></p>
Sayfa Sayısı
1128
Boyut
A4
Basım Yeri
Berdan Matbaası, İstanbul
Basım Tarihi
2010
Baskı
0
Alt Başlık
Rojnameya Taybetî Ya Enstîtuya Kurdî Ya Parîse
Resim Sayısı
1