Açıklama
<p>“Ev ne kitêba ‘yextiyarekî’ ye ku bi nostaljî li paş xwe dinêre.<br />Ben-Gurion dema rojên buhurî tîne bîra xwe, bi vê, dema niha û siberojê jî ronî dike.<br />Gotinên li vir yên şervanekî ne ku di heman demê de pisporê mantiqê, kesekî jîr û fîlozof e jî. Temenê wî yî dirêj, ne ku fehma wî ko kiriye, ew nerm kiriye, vizyoneke fireh û kûrahiyek dayê ku kesekî bi qasî wî tijî an biaqilmendî nejiyabe nikare bi dest bixe.”<br />Abraham F. Rad</p>
<p>Zarokê ji getoya Polendê, koçberê bo Filistînê, karkerê erdan û pêşeng, rêxistingerê siyasî, dewletmedar, damezrênerê Hêzên Parastina<br />Israîlê û yekemîn fermandarê artêşê, kibbutzger, lêkolîner David Ben-Gurion, di heştê salên xwe de gelek jiyan jiyane.<br />Ji aliyê siyasî yek ji wan kesan e ku şikil dane<br />dîrokê… Bi hebûna xwe mohra xwe li sedsala bîstemîn xist û, bi vê, jiyana gelek kesan guherî.<br />Ben-Gurion ku piştî Duyemîn Şerê Cîhanê hişmendiya cihûyan seferber kir û bû mîmarê jinûveçêbûna Israîlê, wek yekemîn serokwezîrê wê rêbertiya welatê xwe kir di wan panzdeh salên kritîk de. Herî zêde para wî heye di parastina dewleta nû li dijî êrişên artêşên heft<br />welatên ereb, şikildayina saziyên birêvebirinê, avakirina pergala perwerdehiyê û gelek saziyên heyatî yên ji bo jiyana neteweyê.<br />Hewldanên wî pir bibandor bûn di pêşvebirina çandiniyê, avdana derasayî ya axa ziwa ku serbilindiya Israîlê ye û domandina ewlehiya<br />gelê xwe li dijî neyartiya berdewam a cîranên xwe.<br />Ji xeynî kirinên xwe, Ben-Gurion temama jiyana xwe tenê ji bo doza Israîlê terxan kir û, bi vê, bû sembola têkoşîna berdewam a dabînkirina warekî neteweyî ji bo gelê cihû.<br />Thomas R. Bransten</p>
Dili
Kürtçe/Kurdî
Sayfa Sayısı
200
Boyut
13,5x21,5
Basım Yeri
Berdan Matbaası, İstanbul
Basım Tarihi
2024
Baskı
1
Alt Başlık
Bîranînên avakar û serokwezîrê pêşî yê Israîlê
Çeviren
Fahriye Adsay
Resim Sayısı
1