İçerik

Di edebiyata Kurdî de eşqeke efsanemawî... Evîna Zembîlfiroş û Gulxatûnê. Li ser serpêhatiya Zembîlfiroş û Gulxatûnê xebateke berfireh... Aziz Samur, di vê berhemê de dide pey şopa lehengên destana Zembîlfiroş û Gulxatûnê. Hûn dê bi vê xebatê, ji edebiyata Cîhanê ber bi Rojhilat ve û di wêjeya Kurdî de destanên eşqê, taybetmendî û naverokên wan binasin. Serpêhatiya eşqa Zembîlfiroş û Gulxatûnê li ku derê û kengê qewimiye, cara yekem ji aliyê kîjan hozan û edîbên Kurd ve hatiye nivîsîn, dîroknasên kurdolog bi çi rengî behsa rûdanê kirine, motîfên destanê bi kîjan hîkayeyên eşqê yên cîhanê re hevbeş in..? Hûn dê bersivên van pirsan bikaribin ji berhema Destana Zembîlfiroş û Gulxatûnê hîn bibin. Dîsa ji aliyên çawaniyên xwe ve, guhertoyên Zembîlfiroş ên Feqiyê Teyran, Melayê Bateyî û Mûradxanê Bayezîdî di berhemê de ciyê xwe girtine. Ji bo lêkolînerên kurdolog ên edebiyata gelêrî berhemeke giranbiha...