Açıklama
<p><span style="font-size: 0.9em; font-family: georgia, palatino;"><em>Avesta</em>, kitêba <em>Zerdeşt</em> û komberhema herî kevnar a gelê arî ya olî ye ku li gor hin çavkaniyan di destpêkê de ji bîst û yek neskan (beşan) pêk hatiye ku bi derbasbûna demê re û ji ber sedemên cuda, gelek beşên wê winda bûne û niha tenê ji şeş beşên bi navên <em>Gehan, Yesne, Yeşt, Vendîdad, Vîspired</em> û <em>Kurte</em><em> Avesta</em>yê pêk tê ku ji her yekê re defterek tê gotin. Peyva “Avesta”yê ku di berhemê bi xwe de derbas nebûye, ji pêşgira navdêrsaz a “A” û lêkera “Vîste” bi wateya naskirin, zanîn, peydakirin û peydabûnê (ku li gel peyva “Veda” (Vîd) pirtûka hindiyan a olî hevreh e) pêk tê. Bi giştî “Avesta” weke “agahîname” </span></p>
<p><span style="font-size: 0.9em; font-family: georgia, palatino;">yan "zanînname" tê zanîn. Girîngiya <em>Avesta</em>yê ji bo gelên arî û bi taybet kurdan ev e ku gelek bawerî, mîtolojî û çanda bav û kalên wan ên bi hezaran salan berî niha radixe ber çavan. Xebatên ku berî vê berhemê bi farisî û kurdî hatine kirin belawela ne û hemû beşên <em>Avesta</em>yê bi hev re nehatine çapkirin, lê di vê xebatê de hemû beş (şeş defter) bi hev re hatine û her wiha di beşa pêşgotinê de bi awayekî berfireh û birêkûpêk agahiyên baş der heqê <em>Avesta</em>, <em>Zerdeşt</em>, taybetmendî û mijarên beşan û hwd. hatine dayîn ku çarçoveyeke baş li bara mezdaperestiyê di mêjiyê lêkolîner û xwendevanan de çêdike.Dîsa di dawiya berhemê de ferhengek li bara peyv û biwêjên <em>Avesta</em>yê hatiye nivîsandin.</span></p>
Sayfa Sayısı
552
Boyut
15 x 24
Basım Yeri
İstanbul
Basım Tarihi
2021
Baskı
0
Alt Başlık
Kumaş Cilt - Kutu / Cildê Qumaş - Qûtî 3 Renk - 3 Reng
Çeviren
Tahir Agûr
Resim Sayısı
1