İçerik

Arwûn û Lûy

Estanek û deyîrê (sanik û deyîrê) ke nê kitabî de yê, Seyîdxanî dormeyê Çewlîgî ra arê kerdê. Bi na xebate, reya verêne malzemeyê edebîyatê fekkî yê fekê Çewlîgî, bi destê yew kurdî se kitab vejîyêno. Arkêkerdiş û weşanayîşê malzemeyê edebîyatê fekkî, kulturê ma rê xizmetêko gird o. No semed ra zî na xebate xebatêka hêca ya. Verî gama ke rojname û kovaran de vejîyaybî zî mi nê tekstî wendîbî. Na reya dîyin a ke ez nînan wanena. Mi her wendiş de nê estanekan, deyîran û fiqrayan ra tamêdo newe girewt, ez bawer kena ke şima zî cira (tira) tam gênê. Ez hêvî kena ke xebatê winasî (inasarênî) yê ke malzemeyê folklorîkê ma vîndîbîyayîşî ra xelisnenê roje bi roje vêşî bibê. -Malmisanij