Sehîdê Îbo
Sê mirazê min hene,
Yek bihaye ji ê din,
Sertaç huba weten e
Mîna şîrê dayka min.
Ew hub xwelî, ez zîlek,
Ew kilam e, ez xeber,
Ew pişt, baye, ez bîlek,
Ew şemse da min neder.
Mirazê din edlayî,
Ku rewşe bo dinyaê,
Bi wê ezman tim sayî,
Avka lêva mervayê.
Lê mirazê minî din
Huba teye Kurdistan,
Ew li nava dilê min
Bûye agir û sindyan.
Heft xwezla min wê rojê
Aza bivî, Kurdistan,
Çelkî de’wê û dozê
Bivî serbest û xudan.
Sê mirazê ser lêvê min,
Bêî wan emrê min qete,
Ew mal, hal û qamê min
Mirazê min zîarete.
1963
Anlam için kelimeye çift tıklayın (Ferheng) Anlam için kelimeye uzun basın (Ferheng)