Mele Îmadeddîn
Ev Mahmût û ev Etman çendî ne xwendevan bûn
Dema ku çûne Sûrî li wê derê şiyar bûn
Meger di wê eşîrê hebûn çend camêrên qenc
Bi vê dubendiya han kişandibûn êş û renç
Wan ciwamêran bo silhê li herdu ciya gazî kir
Nexweşiya eşîrê wan pê agadarî kir
Go: dûvê tajî û bageran ne derd e bo eşîrê
Ev tiştekî netişt e bê delîl û ne li rê
Ev tev lawê kurd in ji yek dê û bavan e
Lazim hemî bibin yek li hember dujminan e
Bi van peyvên xweş û rind gelekî li hev hatin
Dîsa li berberoşik li hevdu tev civat in
Kalek rabû ji nav wan, goya aqilmendê wan
Kinc û mêjî zingarî evî kalî gote wan
Go: em îro bira ne, me hilaniye neyarî
Wê rojê dûvê tajî li bageran ket, min dî!
Yekî bersiva wî da, got: wellehî ne wisa ne
Cardin ketin nava hev bû axirdewran e!
Doza firaksiyonên kurd eyn wekî ya wan e
Dûvê tajî û bageran ew derdekî gran e
Ev çîn û Sovyet-Rûsya bûn Mahmût û bûn Etman
Li ser xort hatin kuştin ew xortê qîmetgiran e
Sosyalîsta Rus û çîn, ew ne derd e ji bo me
Kî dostê kurdîstan be cihê wî li ser serê me
Madamkî hûn sosyalîst in çi ye ev neyarî
çi DDQ çi Kawa, çi Apocî Rizgarî
Li cebheke yekitî hûn tevde cî bistînin
Destên xwe bidin hev kurdistanê derînin
Sosyalîstî pir xweş e, lê ku meriv nebe dûv
Doza vî xelkê bindest nabe bi hîle û çûv
Anlam için kelimeye çift tıklayın (Ferheng) Anlam için kelimeye uzun basın (Ferheng)