Hesen Polat
Na na
Dîsa kes nizanî
çima ez
Vê roja nîsanê
Nav kesk û sorê biharê da
Xwîn digîrim.
Tirîca Rojê
Bi huzna xwe
Min germ nake.
Serma zivistanê nine,
Roja biharê ye
Sedema qutifandina min.
Dilerzim
Xudan enîya min da gilor dibe
Dicemide
Dibe morî û mircan
Ji bona zarokê sêwî
Zarokê bê dê û bê bav.
Dema ew pirs bikin
Ma çima em sêwîne?
Ew nabîjin helbet
Me ji bona du rojê dinê
Ji bona patronê çekan
Ji bona bazirganê xwîn reş
Dê û bavên we kuştin
Malên we xirab kir
Hûn ber derî û kuçan hiştin.
Anlam için kelimeye çift tıklayın (Ferheng) Anlam için kelimeye uzun basın (Ferheng)